کراچی: اہلسنت والجماعت کے رہنما قاری رمضان حنفی قاتلانہ حملے میں شدید زخمی

کراچی: اہلسنت والجماعت کے رہنما قاری رمضان حنفی قاتلانہ حملے میں شدید زخمی کراچی (اہلسنت میڈیا رپورٹر) کراچی کے علاقے جوبلی چوک کے قریب نا...

کراچی (اہلسنت میڈیا رپورٹر) کراچی کے علاقے جوبلی چوک کے قریب نامعلوم مسلح افراد نے اہلسنت والجماعت ضلع ساؤتھ کے جنرل سیکریٹری، قاری محمد رمضان حنفی پر قاتلانہ حملہ کیا، جس کے نتیجے میں وہ شدید زخمی ہوگئے۔ واقعہ کے فوراً بعد انہیں طبی امداد کے لیے ٹراما سینٹر منتقل کر دیا گیا، جہاں ڈاکٹروں کی ایک ٹیم ان کی جان بچانے کے لیے کوشاں ہے۔

اہلسنت والجماعت کے مرکزی رہنماؤں نے اس حملے کی شدید مذمت کرتے ہوئے اسے ٹارگٹ کلنگ قرار دیا اور حکومت سے مطالبہ کیا کہ وہ مجرموں کو جلد از جلد گرفتار کر کے انصاف کے کٹہرے میں لائے۔

ترجمان اہلسنت والجماعت کراچی نے کہا کہ اس طرح کے بزدلانہ حملے ہمارے عزم کو متزلزل نہیں کر سکتے، بلکہ ہمارا مشن مزید مضبوط ہوگا۔ انہوں نے حکومت، قانون نافذ کرنے والے اداروں اور سیکیورٹی حکام سے مطالبہ کیا کہ وہ علمائے کرام اور مذہبی رہنماؤں کو تحفظ فراہم کرنے کے لیے مؤثر اقدامات کریں۔

قاری رمضان حنفی کی حالت کے حوالے سے اسپتال ذرائع کا کہنا ہے کہ وہ شدید زخمی ہیں۔

ترجمان اہلسنّت والجماعت کراچی