میری جماعت کے رہنماؤں کی گرفتاری دہشت گردی کے خلاف آواز اٹھانے کی سزا ہے مولانا احمد لدھیانوی

سربراہ اہل سنت والجماعت پاکستان علامہ محمد احمد لدھیانوی نے صوبائی ڈپٹی سیکرٹری اطلاعات بلوچستان مولانا فرحان صدیقی سے ٹیلیفونک گفتگو ...

Related Post

سربراہ اہل سنت والجماعت پاکستان علامہ محمد احمد لدھیانوی نے صوبائی ڈپٹی سیکرٹری اطلاعات بلوچستان مولانا فرحان صدیقی سے ٹیلیفونک گفتگو کے دوران اہل سنت والجماعت بلوچستان کے صدر مولانا رمضان مینگل اور صوبائی رہنماء قاری عبدالولی فاروقی کی بلاجواز گرفتاری کی سخت الفاظ میں مذمت کی اور اس اقدام کو دہشتگردی کے خلاف آواز اٹھانے کی سزا قرار دے دیا۔انہوں نے جاری بیان میں کہا کہ پرامن رہنماؤں کی بلاجواز گرفتاریوں سے ہمارے حوصلے پست نہیں ہونگے اور نہ کوئی قوت ہمیں دہشتگردی کی جانب دھکیل سکتی ہے ۔انہوں نے کہا کہ نیشنل ایکشن پلان کی روح پرصحیح طرح سے عمل نہیں ہورہا ہے بلکہ ایک گہری سازش ک تحت پرامن مذہبی طبقہ کو دیوار سے لگاکر کسی اور رخ پر دھکیلنے کی سازش ہورہی ہے جس کو میں اور میری جماعت کاکارکن بخوبی سمجھتا ہے اور ریاستی جبر کو میری جماعت کا ایک ایک کارکن سہنے کی صلاحیت رکھتا ہے اور انشاء اللہ جس دن ملک بچانے کے لیے خون دینے کی ضرورت پیش آئی تو پہلی صف میں میرے کارکنان پیش پیش ہونگے۔انہوں نے آرمی چیف جنرل راحیل شریف سے مطالبہ کیا کہ وہ اپنی مدت ملازمت میں توسیع قبول کریں اور ملک کو دہشتگردی سے نجات دلوائیں ۔پوری قوم کی نظریں جنرل راحیل کی طرف ہیں جوکہ دہشتگردی کے خلاف بھرپور اقدامات اٹھا رہے ہیں ۔انہوں نے کہا کہ حکومت اور سابق حکومتوں میں موجود کرپٹ عناصر اپنے کرتوت چھپانے کے لیے اسلام مخالف اقدامات کررہے ہیں ۔