ماضی کا لٹل پیرس کھنڈرات کا منظر پیش کر رہا ہے، مولانا رمضان مینگل 29 جنوری 2024 کوئٹہ (آن لائن) سنی علماء کونسل بلوچستان اور پاکستان را...

ماضی کا لٹل پیرس کھنڈرات کا منظر پیش کر رہا ہے، مولانا رمضان مینگل

جنوری

2024

کوئٹہ (آن لائن) سنی علماء کونسل بلوچستان اور پاکستان راہ حق پارٹی کے قومی اسمبلی کے حلقہ این اے 263 مشترکہ نامزد امیدوار مولانا محمد رمضان مینگل نے کہا کہ عوام 8 فروری کو انتخابات میں ہمارے انتخابی نشان استری پر مہر لگا کر صحابہ کرام کی عظمت کے لئے اپنا کردارادا کریں ہمارے نامزد کردہ امیدوار عوام کے ووٹوں سے کامیابی حاصل کرکے اسلامی نظام کے نفاذ اور عوام کو زندگی کی بنیادی سہولیات کی فراہمی کے لئے اپنا موثر کردار ادا کریں گے.

ان خیالات کا اظہار سنی علماء کونسل بلوچستان کے صدرمولانا محمد رمضان مینگل نے سرکی کلاں سیٹلائٹ ٹاون اور دیگر علاقوں میں کارنر میٹنگز سے خطاب میں کیا۔

یہ خبر بھی پڑھیں

مولانا محمد رمضان مینگل صاحب کی شیخ الحدیث حضرت مولانا عبدالباقی صاحب سے ملاقات

خطاب میں کہا کہ 8 فروری کو ہونے والے عام انتخابات میں اہلسنت والجماعت اور پاکستان راہ حق پارٹی نے اپنے مشترکہ امیدوارمیدان میں اتارے ہیں جس کا مقصد لوگوں کے دیرینہ مسائل کے حل کو یقینی بنانا ہے، کیونکہ ماضی میں اقتدار میں آنے والے نمائندوں نے عوام کی حالت زار بدلنے روزگار کی فراہمی زندگی کی بنیادی سہولیات تعلیم صحت اور پینے کے صاف پانی سمیت انفراسٹرکچر کی بہتری کے لئے کوئی کردار اد انہیں کیا جس کی وجہ سے کوئٹہ سمیت بلوچستان پسماندگی کی منہ بولتی تصویر پیش کر رہا ہے اور آج بھی کوئٹہ جو کہ ماضی کا لیٹل پیرس کہلاتا تھا کھنڈرات کا منظر پیش کر رہا ہے لیکن ہمارے ارباب اختیار کو عوام کی مشکلات سے کوئی سروکار نہیں۔