ٹرانس جینڈر بل کی منظوری خدا کے عذاب کو دعوت دینےکے مترادف ہے ،مولانا رمضان مینگل - aswj balochistan - اہل سنت والجماعت بلوچستان ASWJ Balochistan

ٹرانس جینڈر بل کی منظوری خدا کے عذاب کو دعوت دینےکے مترادف ہے ،مولانا رمضان مینگل 23-09-2022 کوئٹہ سنی علماء کونسل بلوچستان کے صدر مولانا رم...

ٹرانس جینڈر بل کی منظوری خدا کے عذاب کو دعوت دینےکے مترادف ہے ،مولانا رمضان مینگل

23-09-2022

کوئٹہ سنی علماء کونسل بلوچستان کے صدر مولانا رمضان مینگل نے کہاہے کہ ٹرانس جینڈر بل کی منظوری موجودہ شکل میں خداکے عذاب کو دعوت دینے کے مترادف ہے ،حکمران ہوش کے ناخن لیں ،پورے ملک میں مسلمان اس پر احتجاج کررہے ہیں،ان خیالات کا اظہار انہوں نے گزشتہ روز نما ز جمعہ کے موقع پر خطاب کرتے ہوئے کیا ۔انہوں نےکہاکہ سنی علماء کونسل پاکستان کے سربراہ علامہ محمد احمد لدھیانوی نے بھی ٹرانس جینڈر بل پر سخت رد عمل کا اظہار کیا اور حکومت کو خبردار کیا ہے کہ وہ اس بل کی موجودہ شکل میں اسلامی نظریاتی کونسل اور ملک کے علمی شخصیات سے سفارشات لیکر فوری ترمیم کریں اس بل سے پاکستان کے عوام کی دل آزاری ہوئی ہے اس لئے پورے ملک میں عوام سراپا احتجاج اگر اس بل کو حکومت نے واپس نہیں لیا تو اسکے خلاف مسلمان پورے ملک میں سڑکوں پر نکلیں گے ،اس بل سے پوری دنیا میں اسلامی جمہوری پاکستان کیخلاف بہت غلط تاثر گیا ہے ،ہمارے ملک میں کچھ لوگ دوسروں کے آلہ کار بن کر اس قسم کے بلوں کو پاس کرنے میں مصروف عمل ہیں ہم انہیں خبر دار کرتے ہیں کہ وہ اپنی ان سازشوں سے باز رہیں بصورت دیگر پورے ملک میں انہیں جگہ نہیں ملے گی۔

پرنٹ میڈیا رپورٹ

روزنامہ ایکسپریس اخبار کوئٹہ

24-09-2022